រឿងខ្លី “Advisor in Tears!”
by Vហ្វូតូ៚
“ក” និង “ខ” ជាមិនភ័ក្ត្រជិតស្និទ្ធនឹងគ្នា ។
“គ” ជាមនុស្សដែល “ខ” ស្រឡាញ់ ។
“ក” បានដឹងខ្លួនថាមានចិត្តស្រឡាញ់ “ខ” ច្រើនជាងមិត្តជិតស្និទ្ធ ។ ប៉ុន្តែចិត្ត “ក” មិនបានប្រាប់ “ខ” ឲ្យដឹងពីស្នេហាដែលខ្លួនមានចំពោះ “ខ” ទេ ព្រោះគេដឹងច្បាស់ថា “ខ” មិនអាចស្រឡាញ់គេច្រើនជាងមិត្តទេ ។ បើខ្លួននៅតែមានៈចង់បានក្តីស្រឡាញ់ពី “ខ” ច្រើនជាងមិត្ត ខ្លួនច្បាស់ជាត្រូវប្រឈមមុខនឹងការបាត់បង់មិត្តដ៏ល្អម្នាក់នេះជាក់ជាមិនខាន ។ “ការបាត់បង់មិត្តម្នាក់នេះ”ជាអ្វីដែល “ក” មិនអាចទទួលយកបានជាឡើយ ។
ដូច្នេះជម្រើសដ៏ប្រសើរបំផុតរបស់ “ក” គឺ គេនឹងលាក់ទុកចិត្តស្រឡាញ់លើសពីមិត្ត នៅក្នុងបេះដូងគេតែម្នាក់រហូតទៅ ដើម្បីរក្សាមិត្តភាពរវាងគេទាំងពីរឲ្យឋិតនៅដូចដើម ។
ដោយសារភាពជិតស្និទ្ធ ដោយសារការជឿទុកចិត្ត ដោយសារមិត្តភាពដែល “ក” និង “ខ” បានផ្តល់ឲ្យគ្នាទៅវិញទៅមក ។ អ្នកទាំងពីរតែងពិភាក្សា ចែករំលែកព័ត៌មានគ្នាលើ បញ្ហាទូទៅ បញ្ហាការងារ បញ្ហាគ្រួសារ ហើយបូករួមទាំងបញ្ហាផ្ទាល់ខ្លួនមួយចំនួនផងដែរ ។
“ខ” បានបង្កើតសម្ព័ន្ធភាពស្នេហាជាមួយ មនុស្សម្នាក់ទៀត “គ” ប៉ុន្តែ “ខ” នៅមិនទាន់មានជំនឿចិត្តថាខ្លួនគេពិតជាស្រឡាញ់ “គ”ឬទេ ហើយ “គ” មានចិត្តលើគេពិតមែន ឬទេ … ឬអាចនិយាយបានថាសម្ព័ន្ធភាពរវាង “ខ” និង “គ” ស្ថិតនៅក្នុងភាពមិនច្បាស់លាស់ថានឹងត្រូវអភិវឌ្ឍន៍ទៅរកផ្លូវណាមួយរវាង មិត្តធម្មតា ឬ ស្នេហា ។
ដោយសារមិត្តភាព និង ការទុកចិត្តដែល “ខ” មានចំពោះ “ក” ជារឿយៗ “ខ” តែលើកយកបញ្ហាដែលខ្លួនកំពុងប្រឈមជាមួយ “គ” មកពិភាក្សាជាមួយ “ក” ។
ក្រៅពីតំណែងមិត្តជិតស្និទ្ធហើយ “ខ” បានតែងតាំងតំណែងថ្មីឲ្យ “ក” គឺជាទីប្រឹក្សាបេះដូងបន្ថែមមួយទៀត ។ ដែលជារឿយៗ “ខ” តែងលើកយកមកពិភាក្សាជាមួយ “ក” នូវរាល់បញ្ហាដែលខ្លួនកំពុងប្រឈម ក្នុងដំណើរការអភិវឌ្ឍន៍សម្ព័ន្ធភាពជាមួយ “គ” ។
“Do you think I really love (គ)?”
“How to know that someone love me or not?”
“How to get her love?”
“Do you think (គ) is my true one?”
“Do you think I should show my to (គ) yet?”
“Do you think I’m ready for LOVE?”
“I really nervous, I sometime feel that I’m not ready for love, but sometime I do think that I’m ready… please give me your idea…”
“Do you think I’m ready for first date with her?”
ទាំងនេះជាសំណួរដែល “ខ” តែងចោទសួរស្នើយោបល់ពីទីប្រឹក្សាបេះដូងរបស់ខ្លួន ។ សម្រាប់ “ខ” វាគ្រាន់តែជាសំណួរធម្មតាដែលមិត្តជិតស្និទ្ធម្នាក់តបបានដោយមិនពិបាកគិតច្រើន ។ តែផ្ទុយមកវិញ “ក” គិតច្រើនលើសពីអ្វីដែល “ខ” គិតច្រើនដងណាស់ ។ វាជាចំណោទដ៏សែនស្មុគស្មាញសម្រាប់ “ក” ។
យើងទទួលស្គាល់ថា នៅពេលដែលមនុស្សពីរនាក់មានគំនិតពីរផ្ទុយគ្នាលើបញ្ហាតែមួយ ជម្លោះ ឬ សង្គ្រាម អាចកើតមានឡើងយ៉ាងស្រួលរាល់ពេលមានកិច្ចពិភាក្សា ឬ ប្រឈមមុខការពារគំនិតរៀងៗខ្លួន ។ រួចចុះបើមនុស្សម្នាក់ដែលមានគំនិតពីរផ្ទុយគ្នាលើបញ្ហាតែមួយ អ្វីវានឹងកើតមានឡើង ? ពិតណាស់ គឺសង្គ្រាម ។ ដោយពិបាកក្នុងការចែកឲ្យដាច់រវាង មិត្តសំឡាញ់ និង ស្នេហា “ក” តែបង្វែរមិនផ្តល់ជាយល់ជាផ្លូវការណាមួយដល់ “ខ” ក្នុងករណីជាមួយ “គ” ។
ប៉ុន្តែការគេចវេសរបស់ “ក” ហាក់នៅបានសម្រេចនៅពេល “ខ” នៅតែលើកបញ្ហាបេះដូងមកពិភាក្សាជារឿយ ។ “ក” ដឹងច្បាស់ណាស់ថា “ខ” កំពុងជួបបញ្ហា ក្នុងនាមជាមិត្តសំឡាញ់ ខ្លួនគួរតែជួយមិត្តឲ្យអស់ពីសមត្ថភាព និង លទ្ធភាពដែលអាចជួយបាន ។ តែ “ក” មិនអាចធ្វើបាន ព្រោះប៉ូលពីផ្ទុយគ្នាក្នុងគំនិតរបស់ខ្លួននោះឯង ។
“ហេតុអ្វីបានត្រូវជារូបខ្ញុំ? ដែលត្រូវមកតបហ្នឹងសំណួររបស់អ្នក?”
“តើ(ខ) គិតយ៉ាងណាវិញប្រសិនបើគេដឹងថា អ្នកដែលគេកំពុងសួរសំណួរទាំងនេះ បានលួចស្រឡាញ់គេ?”
“នេះជាបាបកម្មដែលខ្ញុំកំពុងទទួលមែនទេ? បាបដែលកើតពីចិត្តមិនស្មោះចំពោះមិត្តភាពដែល(ខ)បានផ្តល់ឲ្យ?”
“តើអ្នកចង់ធ្វើឲ្យចិត្តខ្ញុំឈឺខ្លាំងប៉ុណ្ណាទៀតទៅ? ឈប់សួរទៅបានទេ?”
“វាវេទនាណាស់ទៅហើយក្នុងការលាក់ចិត្តស្រឡាញ់ក្នុងបេះដូងតែម្នាក់ឯង ហេតុអ្វីបានជាអ្នកបន្ថែមទម្ងន់ទុក្ខឲ្យខ្ញុំបន្ថែមទៀតធ្វើអ្វី?”
“អ្នកដឹងទេ ថាខ្ញុំស្រឡាញ់អ្នកខ្លាំងណាស់! ខ្ញុំស្រឡាញ់អ្នកលើសពីមិត្ត! អ្នកដឹងទេ?”
មិនដែលលួសពេលណាឡើយដែល “ក” តែងស្រែកសួរសំណួរខាងលើចំពោះខ្លួនឯង ស្រែកសួរឲ្យឮបានតែក្នុងចិត្តម្នាក់ឯង រាល់ដងពេល “ខ” សុំយោបល់ខ្លួនរឿងបញ្ហាបេះដូងរបស់គេ ។
ម្តងៗដោយពិបាកនឹងទ្រាំទ្រពេក “ក” ស្ទើរធ្លោយប្រាប់ “ខ” ឲ្យដឹងពីចិត្តពិតរបស់ខ្លួនចំពោះ “ខ” ។ តែដោយចិត្តកម្សាក និងកម្លាចរបស់ខ្លួន កម្សាក មិនហ៊ានប្រឈមមុខនឹងការពិត កម្លាចព្រោះខ្លាចបាត់បង់តំណែងមិត្តសំឡាញ់ ខ្លាចបាត់បង់មនុស្សម្នាក់ដែលខ្លួនលួចស្រឡាញ់ ។ “ក” ទ្រាំបន្តទ្រាំធ្វើខ្លួនជាទីប្រឹក្សាអសមត្ថភាពមួយរូបឲ្យមិត្តសំឡាញ់របស់ខ្លួន ទ្រាំធ្វើជាអ្នកទទួលស្តាប់មនុស្សដែលខ្លួនស្រឡាញ់និយាយដល់ពីមនុស្សទី៣ ទ្រាំលេបលាក់ទាំងអួលណែន ។
“ក” បានប្រឹងហាមឃាត់ ទប់ស្កាត់ កាត់ផ្តាច់ លុបបំបាត់ ចិត្តស្នេហាដែលមានចំពោះ “ខ” ។ តែដូចយើងបានដឹងហើយ ពាក្យថាស្នេហ៍មួយមាត់ ហាមណាស់រឹតណាស់ ហាមណាស់នឹកណាស់ ឃាត់ណាស់ស្រឡាញ់ណាស់ កាត់ណាស់គិតណាស់ ។
ក្រោយពេល “ក” ដឹងខ្លួនថាបានទទួលបរាជ័យក្នុងការហាមឃាត់ ស្នេហា ដែលមានចំពោះ “ខ” មិនបានហើយ ។ “ក” បានជ្រើសផ្លូវមួយទៀត គឺគេចឲ្យឆ្ងាយពី “ខ” ការកាត់បន្ថយភាពជិតស្និទ្ធរវាងគេទាំង ប្រហែលជាអាចជួយឲ្យ “ខ” ដកទំនុកចិត្តខ្លះចេញពី “ក” ហើយគេប្រហែលជានឹងមិនមកពិភាក្សារឿងបេះដូងជាមួយ “ក” ទៀតដែរ ។
ដូចជាព្រហ្មលិខិតលេងកំប្លែង “ក” ដើរថយក្រោយមួយជំហានឲ្យសម្ព័ន្ធភាពរបស់ខ្លួន “ខ” បែរជាដើរចូលមកមួយជំហានបន្ថែមកាន់តែជិត ។ នៅពេល “ក” គេចវេសការលើកយកប្រធានបទបេះដូងមកពិភាក្សា “ខ” តែងសុំយោបល់ពី “ក” ទាក់ទងនឹងបញ្ហាបេះដូងជានិច្ច ។
ចុងក្រោយបង្អស់ “ខ” បានធ្វើការសម្រេចចិត្តមួយថា គេនឹងអភិវឌ្ឍន៍សម្ព័ន្ធភាពរវាង “គ” ឲ្យឈានដើរទៅក្នុងទិសដៅស្នេហា គេនឹងទទួលយក “គ” មកធ្វើជាស្នេហារបស់គេ ។ ក្រោយពេលបានដឹងពីការសម្រេចចិត្តរបស់ “ខ” ហើយ “ក” បានបង្ហាញការពិតចេញពីចិត្តមួយផ្នែកប្រាប់ “ខ” ថា គេចូលរួមត្រេកអរផងដែលនៅទីបំផុត “ខ” បានសម្រេចជ្រើសផ្លូវណាមួយ គេដឹងខ្លួនថា មិនអាចធ្វើជាទីប្រឹក្សាបេះដូងដ៏ល្អបានទេ តែគេអាចធ្វើជាទទួលស្តាប់ និង ជាមិត្តល្អរបស់ “ខ” ជានិច្ច ។
ការពិតក្នុងបេះដូងមួយចំណែកទៀតដែល “ក” មិនបានបង្ហាញឲ្យ “ខ” ដឹងបានគឺ (ខ្ញុំសូមអរគុណអ្នកខ្លាំងណាស់ ដែលទីបំផុតអ្នកបានដកហូតដំណែងជាទីប្រឹក្សាបេះដូងនេះចេញពីខ្ញុំ ឲ្យខ្ញុំសុំទោសផងដែលខ្ញុំមានចិត្តមិនស្មោះចំពោះមិត្តភាពដែលអ្នកបានផ្តល់ឲ្យខ្ញុំ ឲ្យខ្ញុំសុំទោសផងចំពោះស្នេហាដែលខ្ញុំមានចំពោះអ្នក ខ្ញុំសុំទោសដែលខ្ញុំមិនអាចឃាត់ចិត្តខ្លួនឯងមិនឲ្យស្រឡាញ់អ្នក មិនអាចលុបស្នេហាដែលមានចំពោះអ្នកចេញពីបេះដូងបាន តែខ្ញុំសូមសន្យាថានឹងព្យាយាថែរក្សាមិត្តភាពរបស់យើងឲ្យយូរអង្វែរបំផុតតាមដែលបេះដូងខ្ញុំអាចទ្រាំទ្រទទួលការឈឺចាប់បាន ការឈឺចាប់ដែលបេះដូងមួយនេះរក្សាទុកចិត្តស្នេហ៍តែម្នាក់ឯង) ៕
nice site
yes it is
nice site
តំណឹងល្អ នឹងឪកាសល្អសំរាប់ជនជាតិខ្មែរ ឆ្នោតផ្សងសំណាងដែលបានទទួល Green crad រស់នៅស្របច្បាប់ក្នុងសហរដ្ឋអាមេរិច សំរាប់ខ្មែរមានសំណាងច្រើនជាងគេ ចាប់ថ្តើមតាំងពី ថ្ងៃ៣តុលា នឹងចប់ ដល់ខែ១២ ពេលខ្ញុំមកដលើទីនេះសាសន័ដទៃច្រើនដែលបានជាប់ នឹងមករស់នៅលើដីអាមេរិច ជួយប្រាប់តៗគ្នាផងហើយងាយស្រួលនឹងដាក់ណាស់(តាម វេបសាយ អនឡាញ)http://www.dvlottery.state.gov/
ក្នុងមួយឆ្នាំមាន តែម្តងទេ៕
មានចំងល់ក្នុងការដាក់ សូមទាក់ទងមកខ្ញុំចុះអោយតែខ្មែរ ខ្ញុំជួយទាំងអស់ (តាមរយះវេបសាយខ្ញុំ)។
សុខចិត្តមើលគេដើរចេញទៅចឹង ខ្លាចតែរក្សាមិត្តភាពបាន តែស្តាយក្រោយខ្លួនឯងមួយជីវិតទេ! តែខ្ញុំដឹងថាអ្នកដែលមិនស្ថិតក្នុងស្ថានភាពជាក់ស្តែង ពិតជាមិនយល់ទេ។
Anyway, it’s so similar to one beautiful love story I’ve read, “Where rainbows end.” When 2 close friends think it is not right to fall in love with a close friend……!!! It’s one of my most favorite! I think life is short. Just follow our heart…
ស្ថានភាពជាក់ស្តែងប្រហែលៗដូចគេតែងហៅថា “ហាស្លាក់ជាក់ស្លែង ហើយនៅស្តោះចេញមក វាច្បាស់ជាត្រូវចំខ្លួនឯងជាមិនខាន” អញ្ចឹងហើយបានជាគេសម្រេចចិត្តអញ្ចឹង! ហេហេហេ ខ្ញុំបានអានរឿងមួយដែរស្រដៀងហ្នឹង តែលទ្ធផលចុងក្រោយនៃរឿងនោះខ្ញុំមិនយល់ស្របនិងអ្នកនិពន្ធ ទើបយកមកសសេរ ជារបៀបដែលខ្ញុំគិតថាគួរតែទៅផ្លូវហ្នឹងច្រើនជាង រឿងនោះគឺ “Triangle” ជា Short Online fiction.