My New Black Stuff ១
ក្នុងឆ្នាំនេះតាំងចិត្តថានិងទិញរបស់ពីរយ៉ាងសម្រាប់ជា រង្វាន់ឲ្យខ្លួនឯង (ដែលខំប្រឹងធ្វើការពេញមួយឆ្នាំ) ហាហាហា ជាទម្លាប់មួយប្រហែលចម្លែកបន្តិច តែសម្រាប់ខ្ញុំមិនចម្លែកទេ ព្រោះខ្ញុំគិតថាបើយើងមិនផ្តល់កម្លាំងចិត្តឲ្យខ្លួនឯងជាមុនសិន ហើយទៅចាំទទួលពីអ្នកដទៃនោះវាមិនងាយទេ ។
រង្វាន់ពីរយ៉ាងដែលចង់បានសម្រាប់ឆ្នាំ ២០០៨ ។ គម្រោងខ្ញុំគិតថានិងចាត់ចែងទិញនៅចុងឆ្នាំឯណោះទេ ព្រោះទម្រាំដល់ពេលណឹងកូនជ្រូកប្រហែលជាតាន់ជាងពេលនេះបន្តិច ។ តែចៃដន្យអី នៅសុខៗស្រាប់តែមកឈឺភ្នែកអញ្ចឹងទៅ កន្លែងធ្វើការក៏ចិត្តល្អឲ្យច្បាស់សរុបទៅសរុបមកចូលពីរអាទិត្យ (តាមពិតទៅគេឲ្យតាមសភាពជំងឺសោះហ្នឹង) ទើបធ្វើឲ្យខ្ញុំមានឱកាសធ្វើសម្រេចគម្រោងការប្រចាំឆ្នាំបានឆាប់ ហាហាហា។
មិនដឹងយ៉ាងម៉េចដែរ របស់ប្រើប្រាស់របស់ខ្ញុំ រើសទៅរើសមកចៀសមិនផុតពីពណ៌ ខ្មៅ សោះ ។ កាលមុនដូចជាខ្ញុំធ្លាប់អួតប្រាប់គ្នាយើងម្តងហើយ មួយជុំខ្លួនសុទ្ធតែរបស់ពណ៌ខ្មៅ Desk top មួយឈុត, តុ ទូ កៅអី នាឡិកា ទូរស័ព្ទដៃ កាបូបលុយ កាបូបធ្វើការ កាបូប កាស់ស្តាប់ត្រចៀក អាយផត់ (ខូចបាត់ទៅហើយ ប្រហែលត្រូវចាត់ចូលជារង្វាន់សម្រាប់ខ្លួនឯងនៅឆ្នាំក្រោយ ហេហេហេ) សុទ្ធតែខ្មៅទាំងអស់ ។
ឥឡូវបានរបស់ប្រើប្រាស់ពីរយ៉ាងមកទៀតសុទ្ធតែខ្មៅទៀត ថាចូលចិត្តក៏ថាបាន តែសូមប្រាប់ថាចូលចិត្តរបស់ខ្មៅ ចិត្តមិនខ្មៅទេណា ហាហាហា ។
រង្វាន់ (ទិញឲ្យខ្លួនឯង) ទី១ដែលសម្រាប់ឆ្នាំ ២០០៨ ដែលត្រូវយកមកអួតគឺ Laptop ។ ចង់បានយូរហើយ តែសន្សំលុយមិនចេញទាល់តែសោះ ។ ទម្រាំតែបានម្តងនេះត្រូវបូលរួមនឹងសំណាងដែរបើថាទៅ តែសំណាងអ្វីនោះសូមលាក់ទុកជាអាថ៌កំបាំង មិនអាចប្រាប់បានជាសាធារណៈទេ ។
មានអ្នកខ្លះ (ឈ្មោះអក្សរកាត់ ស.ភ) គេត្រូវបានខ្ញុំអួតមុននេះទៅហើយ ហើយខ្ញុំក៏ត្រូវបានគេគំរាមមិនឲ្យខ្ញុំយកមកអួតនៅក្នុង Blog ទៀតណ៎ ។ សូមប្រាប់ទៅវិញថា “ទាល់តែយូរកាភាក់អើយ”…អុញនោះច្រឡំមាត់ប្រាប់ឈ្មោះគេបាត់ហើយ … ហេហេហេ ។
យូរៗទម្រាំគ្នាមាន របស់យកមកអួតបងប្អូនយើងម្តង កុំឃាត់គ្នាអី ហេហេហេ ឃាត់ហើយតែឃាត់មិនជាប់ ។ មិនដូចអ្នកខ្លះមានរូបថត ៤គុណ៦ (កញ្ចាស់ៗ) ក៏យកមកអួតគេពេញទឹកពេញដីដែរ គេមិនឃើញថាអីផង ហាហាហាហា។ ជ្រុលថាអញ្ចឹងហើយដាក់លីងឲ្យគេលីងរួបថតណឹងហ្មងទៅក្រែងមានអ្នក មិនទាន់បានឃើញ >>> ចុចដើម្បីភ្ជាប់តំណរូបថត ៤គុណ៦
ងាកមកមើលរបស់គួរឲ្យចាប់អារម្មណ៍ដែលខ្ញុំយកមកអួតវិញបងប្អូន ហេហេហេ Laptop ថ្មី ម៉ាក HP 13.3″ រូបថតព័ត៌មានលម្អិតមានដូចខាងក្រោម ៖
មើល ពី លើ
មើល ពី មុខ
មើល ចំហៀង បាន ឃើញ ខ្មៅ ក្រឹប
Specification:
Posted: September 14th, 2008 under [V]-action.
Comments: 16
Comments
Comment from សុភ័ក្ត្រ
Time: September 14, 2008, 3:46 pm
ហ៊ើយជ្រិញដល់កហើយព្រះសិរអាមេត្រីអើយ! យកមោអួតគេ ថតពីលិចពីចំហៀង បំណងអួតម៉ាមុខប៉ុណ្ណោះ អ៊ែកណាស់!
Comment from វីរិយា
Time: September 14, 2008, 5:34 pm
ចុះមានអ្នកណាទៅថាអី គេសរសេរក្តែងៗហើយហ្នឹងថាយកមអួត! ហេហេហេ ជួយមិនបានទេ មានរបស់អួតបានអួតសិនហើយចាំអង្កាល! 
Comment from posoky
Time: September 15, 2008, 10:07 am
ឌឺអែងតែម៉ារង ប៉ុន្តែនៅនេះដូចអត់មានលក់សោះ ប្រហែលជាទីផ្សាអាស៊ីហើយ មើលរូវ និយាយអីចឹងម៉េចមិនទិញ ម៉ាកសូនី (ខ្ញុំចូលចិត្ត)។ ខ្ញុំចង់ទិញមួយទៀត ដែរទុកអាចាស់នេះ អោយបងនៅស្រុកប្រើ។ ហើយលោកប្អូនបឿនកាលណាបោកមេជ្រូកទៅ
Comment from វីរិយា
Time: September 15, 2008, 11:29 am
មានអ្នកណាមិនចង់បានអាសូនីហ្នឹងបងសុខគីចេះសួរទៅកើត! បើប្រៀបធៀបទៅសមត្ថភាពដូចគ្នា តែតម្លៃអាសូនីហ្នឹងអាចខ្ពស់ជាងជិតពាក់កណ្តាលឯណោះ ចាំបោកកូនជ្រូកលើកក្រោយចាំសម្លឹងវា!
បឿនឯងប្រឹងបន្តិចទៀតគង់តែថ្ងៃនោះមកដល់ជាមិនខាន ។ ខ្ញុំចាំថ្ងៃនោះដែរ!
Comment from កាកអំពៅ
Time: September 15, 2008, 5:29 pm
ចុះរង្វាន់ឆ្នាំក្រោយវិញ? បោកកូនជ្រូក ដណ្ដឹងប្រពន្ធមួយ Black stuff ទៀតឬអី?
Comment from រដ្ឋ
Time: September 15, 2008, 6:48 pm
បើតែយ៉ាងនេះ មុខអនាគតប្រពន្ធច្បាស់ជាសំបុរដូចធ្យូងឲ្យប្រាកដបែប!! នរណាទៅដឹង បើខ្មៅគ្រប់ខ្មៅសព្វចឹង…
ហាហា មើលមុខអ្នកជ្រិញគេ មិនដឹងខ្លួនឯងអួតអីខ្លះទេ ឡ!! អាណិតតែអ្នកអត់អីអួតទេ! ចាំអួតប្រពន្ធម៉ងទៅ ឲ្យសឺប្រាយ!!
Comment from naryphing
Time: September 15, 2008, 8:07 pm
good for u that u can save and buy it by your self. congratulation!
i have piggy bank too , will break it at the end of December 
, will tell u guys what i want . oh i love black color too everything black but my husband lol .
Comment from សុទ្ធិពង្ស
Time: September 15, 2008, 10:13 pm
អាសេរីនេះស្អាតណាស់ ពួកមាកខ្ញុំគេទិញពីអាមេរិចថោកជាងនៅថៃ តែសម្រាប់ប្រទេសខ្មែរខ្ញុំមិនដឹងដែរ
Comment from វីរិយា
Time: September 16, 2008, 9:05 pm
កាកអំពៅ… កំពុងសម្លឹងមើលនៅឡើយ មានច្រើនយ៉ាងពេកទាល់តែធ្វើការជម្រុះទើបបាន
ការដ្ឋ… រឿងរបស់ប្រើប្រាស់ខ្មៅនោះវាខ្មៅយូរណាស់មកហើយ តែរឿងគូអនាគត មិនទាន់ហ៊ានថាទេ ព្រោះជារឿងរបស់អនាគត ចាំតែមើលទៅដឹងហើយ ហេហេហេ ។ បើនិយាយរឿងអួតកាភាក់ហ្នឹងលេខមួយមែនទេ អួតសព្វអួតគ្រប់ ទាល់គេអួតខ្លះមកធ្វើជ្រិញ ។ ហើយសម្រាប់អ្នកអត់អីអួតពេលនេះមិនប្រាដកថាពេលក្រោយមិនមានឯងណា បើបានយកប្រពន្ធមកអួតមែននោះអស់ទាស់តែម្មង!
Naryphing… Thanks for you greeting! Actually I plan to break my piggy bank at the end of year too, but accidently it broke before hehehe. hehehehe black stuff is common but husband is exceptional right? 
សុទ្ធិពង្ស… នៅខ្មែរថ្លៃជាច្រើន ថ្លៃជាងប្រហែលជិត ៣០%ឯណោះ បើតាមការថ្លឹងតម្លៃ(ជ្រែថ្លៃ)របស់ខ្ញុំ ។
Gr3n… Yeah, it’s cool too me too…. ehh how much is it…. ehhh 1xxx.00 USD
* X C (0,1,2,3,4,5,6,7,8,9)
hahahaha drag and drop a num u like…:P
Comment from sopheak
Time: September 17, 2008, 8:29 am
ហើយ! ទិញអស់ហ្មានប្រាប់គេម៉ងទៅ មិនចាំបាច់មកធើអេះអុញដាក់លេខកូដតម្លៃ… អាហ្នឹងនៅមិនគេថាជ្រិញទេហ្អី!! អ៊ែក
Comment from កាកអំពៅ
Time: September 17, 2008, 6:04 pm
មាននរណាដឹងថា Laptop កាប់សាច់មាននៅកន្លែងណាខ្លះ? ព្រឹកមិញ របស់ខ្ញុំបាក់គំរបអេក្រង់ព្រោះត្រចៀកវារឹងពេក ហើយដើរសួរតាមហាងធំៗគេថាមិនមានទេ គេឱយទៅរកនៅហាងជជុះ។ ទៅហាងជជុះខ្លះតាមផ្លូវកម្ពុជាក្រោម គេក៏ថាមិនមានដែរសំបូរតែកុំព្យូទ័រលើតុ ទាល់តែដើររកជួបដោយចៃដន្យប៉ុណ្ណោះ។ Acer 5550 14″ wide screen។ បើរកមិនបាន មានតែកាច់ត្រចៀកហ្នឹងចោល ឬក៏ផ្ញើឱយគេទិញឱយហើយ។
Comment from វីរិយា
Time: September 17, 2008, 11:21 pm
កាភាក់អ្ហើយបើចង់ចឹងសួរតាមត្រង់ៗទៅគេមិនកំណាញ់ហ្នឹងប្រាប់ទេ គ្រាន់តែគេមិនចង់បរិយាយថ្លៃថ្នូរពាសវាលពាសកាលហ្នឹងណា! តេមកសួរមកខ្ញុំប្រាប់! ហាហាហាហា
កាកអំពៅ! ខ្ញុំអត់សូវដឹងដែរ ចាំសួរៗមើលឲ្យបើបានដំណឹងចាំខ្ញុំប្រាប់បន្ត!
Comment from សុផាត
Time: October 2, 2008, 9:26 am
មើលភា្លមស្មានតែប្រភេទ dv6000 ដូចរបស់ខ្ញុំប្រើ។ ខ្ញុំចង់ចែកបទពិសោធន៍ប្រើ hp បន្តិច។ ខ្ញុំទិញវាកាលពីឆ្នាំមុននៅស្រុកអាគាំងនេះឯង។ ប្រើបានប្រហែលកន្លះឆ្នាំ កង្ហារវាចាប់ផ្តើមមានសំឡេងលាន់។ តែខំទ្រាំទៅព្រោះកំពុងរៀន។ កាលវ៉ាកងខែក្តៅខ្ញុំផ្ញើទៅឲ្យក្រុមហ៊ុនវាជួសជុលឲ្យហ្រ្វីពីរដង តែនៅតែមិនបាត់សំលេងលាន់។ តវ៉ានឹងក្រុមហ៊ុនវាក៏គេផ្ញើ laptop ថ្មីមកឲ្យ។ ឥលូវអាថ្មីហ្នឹងចាប់ផ្តើមលាន់ចាប់ពីថ្ងៃទី១តែម្តង។ ហើយមិត្តភក្តិខ្ញុំផ្សេងទៀតក៏មានបញ្ហាជាមួយhp ដែរ។ ខ្ញុំមិនដឹងម៉ូដែលផ្សេងទេ តែdv6000 យ៉ាប់ណាស់។ ហ្នឹងទិញនិងជួសជុលនៅអាមេរិកផង!
Comment from វីរិយា
Time: October 2, 2008, 11:43 am
អរគុណច្រើនសុផាតសម្រាប់ការចែករំលែកបទពិសោធន៍ ខ្ញុំប្រើនបានជាងមួយខែហើយតែនៅមិនទាន់ជួបបញ្ហាខាងលើកនៅឡើយទេ បញ្ហាដែលធ្លាប់ជួបគឺ Wireless វាមានបញ្ហាបន្តិចពេលដំបូង គឺវាឧស្សាហ៍ Disable ដោយខ្លួនឯង តែក្រោយពេលខ្ញុំ Uninstall and Reinstall Hardware ហើយឃើញថាដំណើរការធម្មតាវិញ ខ្ញុំគិតថាវាប្រហែលមកពីបញ្ហា Driver ។ សម្រាប់សំឡេងលាន់មកពីកង្ហា ដូចជាមិនទាន់អីទេ តែខ្ញុំមិនដឹងថាយ៉ាងម៉េចដែរនៅពេលខាងមុខ ។ ខ្ញុំទិញវាមានធានាហើយ រយៈពេលមួយឆ្នាំជាទូទៅ ។ តែស្រុកនៅអាស៊ីយើងអារឿងប្តូរថ្មីមកដូចនៅអាគាំងនោះប្រហែលជាមិនអាចទៅរួចទេ តែបើគេយកទៅជួសជុសបានមាន ។ ម្តងទៀតសូមអរគុណច្រើនសម្រាប់ការចែករំលែក !
Write a comment