News Update!
សួស្តីបងប្អូនញាតិមិត្តដែលធ្លាប់ចេញចូលអាន វីហ្វូតូ មួយរយៈនេះខ្ញុំរវល់បន្តិចបងប្អូនអើយ មិនសូវបានមកអើតមកផ្ទះខ្លួនឯងសោះឡើយ ហើយក៏បានគិតថា ប្រហែលជាលែងមានអ្នកមកអើតមើលដែរ ព្រោះទៅរំពឹងឲ្យគេចូលមកមើលម្ដេចនឹងកើត បើយើងជាម្ចាស់ផ្ទះមកទាំងមកមើលផងហ្នឹង ។ តែមានឯណា ពីរ-បីថ្ងៃនេះបានជួបម៉ូវប្រចាំ (ហេហេហេ) គេសួរនាំថាទៅណាមកណា ម៉េចបានជាស្ងាត់ម៉្លេះ? បើគេសួរអញ្ចឹងបានន័យថានៅមានអ្នកមកឆៀងចូលលេងខ្លះដែរ ។ ការពិតខ្ញុំមិនដែលបានគិតថា ខ្ញុំនឹងបើបង់កន្លែងនេះចោលទៅណាទេ គ្រាន់មួយរយៈនេះមានការរវល់បន្តិច ។ សុំធ្វើការរៀបរាប់ត្រួសៗចុះថា រវល់ស្អីខ្លះទៅ ម៉េចបានជាស្ងាត់ដូចចោរលួចសេះអញ្ចឹង?
- កាលពីដើមខែ៦នេះ ខ្ញុំមានការត្រុវចេញទៅប្រទេសថៃ ចំណាយពេលនៅទីនោះយូរក្រែលដែរ ។ បន្ទាប់ពីបំពេញការងារចប់ខ្ញុំបានឆ្លៀតឱកាសនោះ សម្រាកពីការងារមួយអាទិត្យបន្ថែម ហើយបានទៅដើរលេងនៅ កោះល្បីឈ្មោះរបស់ថៃ (កោះភូកេត) និង តំបន់ផ្សេងៗនៅក្បែរនោះជាច្រើនកន្លែងទៀត ។ នៅពេលដែលការងារស្បើយនេះបន្តិចខ្ញុំនឹងយករូបថតមកអួតគ្នាយើងជាមិនខាន ។
- ត្រឡប់ពីបាងកក មកដល់ភ្នំពេញភ្លាម ខ្ញុំមានពេល២ថ្ងៃគត់សម្រាប់ត្រៀមខ្លួន ចូលធ្វើការកន្លែងថ្មី ។ ដូចបងប្អូនដឹងស្រាប់ហើយ ថាការចាប់ផ្ដើមការងារថ្មីម្តងៗ គឺវាតែងរវល់បន្តិចហើយ ព្រោះយើងត្រូវធ្វើគ្រប់បែបយ៉ាងដើម្បីស្វេងយល់ពីកន្លែងការងារថ្មីនោះឲ្យបានកាន់តែច្រើន កាន់តែឆាប់ គឺកាន់តែល្អ ។ ដូច្នេះហើយទើបធ្វើឲ្យខ្ញុំពីរវល់បន្តិច រវល់ជាងការងារជាក់ស្តែងដែលត្រូវធ្វើ ។ សង្ឃឹមថាមួយរយៈខ្លីទៀតបន្ទាប់ពី សម្របសម្រួលឲ្យចុះសម្រុងនឹងការងារថ្មី បានប្រសើរជាងនេះបន្តិច ខ្ញុំនឹងមានពេលវេលាច្រើនល្មមអាចមក update វីហ្វូតូ បានដូចពីមុនអញ្ចឹងដែរ ។
ចំពោះអ្នកតាមដានអានរឿង Memory ឲ្យខ្ញុំសុំទោសផងដែលមានការយឺតយ៉ាវក្នុងការដាក់ភាគថ្មីៗចូល រឿងនេះត្រូវបានសរសេរចប់រួចរាល់ហើយ តែមានបញ្ហាបច្ចេកទេសបន្តិចបន្តួច ។ កាលពីសសេរ ខ្ញុំសសេរនៅ ក្នុងកម្មវិធី MS ONE NOTE ក្រោយពេលត្រឡប់មកពីដើរលេងវិញ កម្មវិធីនេះមិនដឹងជាគាំងស្អីវា វាទាឲ្យខ្ញុំតំឡើងថ្មីតែរហូត តាំងចិត្តថាខ្ញុំនឹងដោះស្រាយបញ្ហានេះ ឲ្យរួចរាល់នៅ ល្ងាចថ្ងៃចន្ទនេះ ហើយបន្តដាក់ជូនអានទាល់តែចប់ ។
ព័ត៌មានថ្មីៗស្តីអំពី វីហ្វូតូ សុំបញ្ចប់ត្រឹមប៉ុណ្ណេះហើយ… អរគុណច្រើនញាតិមិត្របងប្អូនដែលបានចូលមកលេង វីហ្វូតូ!!!
Posted: June 30th, 2008 under [V]-action.
Comments: 7
Comments
Comment from កូនខ្មែរ
Time: June 30, 2008, 5:05 pm
I jol web nis rohot dae! I kor chhngol mech kor anhjeng?
Comment from naraths
Time: June 30, 2008, 7:00 pm
*VPHOTO ALIVE*
Comment from វីរិយា
Time: June 30, 2008, 9:22 pm
កូនខ្មែរ >>> អរគុណច្រើនសុជាតិ (កូនខ្មែរ) ….
ការដ្ឋ >>> នៅមានជីវិតនៅឡើយទេការដ្ឋ ….
Comment from posoky
Time: July 1, 2008, 12:18 pm
គេកំពុងជេថៃគ្រប់គ្នាបែរជាលោកប្អូនវីកំពុងសប្យាយទៅលេងថៃវិញហាហា ។ សុខសប្បាយជាទេ? មានអីថ្មីជួយប្រាប់ផង ព្រោះគ្នានៅអុយអេស អត់ដឹងអីទេ ក្រៅពីធ្វើការ នឹងចូលបន្ទប់បានអ៊ុនធើណិត នឹងជួយបាត់អប់សុខ។
Comment from វីរិយា
Time: July 2, 2008, 9:38 am
hahaha! ខ្ញុំទៅតាំងពីពេលគេជេរថៃទៅទៀតបងអ្ហើយ! ហើយបើទោះជាពេលគេកំពុងជេរ ខ្ញុំទៅក៏មិនមានអីប្លែកដែរ ព្រោះខ្ញុំមិនបានគិតអ្វីច្រើនទេចំពោះរឿងនេះ ព្រោះអីខ្ញុំគិតថា រឿងរ៉ាវទាំងអស់នេះត្រូវបានផ្លុំស្លឹកត្រចៀកដោយក្រុមអ្នកនយោបាយមួយក្រុមតូចប៉ុណ្ណោះ ហើយបើយើងនាំគ្នាជ្រួលតាម នោះយើងច្បាស់ជាធ្លាក់ក្នុងនយោបាយពួលបំពុលបរិយាកាសនោះជាមិនខាន ឃើញថាពួកថៃពេលនេះ កំពុងតែពុលខ្លាំង ហើយខ្មែរយើងក៏ពុលតាមបន្តិចៗហើយ រឿងតូចកំពុងតែត្រូវបានគេផ្លុំផង ដុតផង ឲ្យរោលឆេះកាន់តែធំឡើងៗហើយ!!! 
Comment from azng
Time: July 2, 2008, 3:03 pm
Yaya ey kor ror vol mles? Can share me na, i can help! Lolz… Hey use program na that not easy to have problem like this na, so that i also can read it soon too. Hehehe… How many parts more will be the end dear? ;p
Comment from វីរិយា
Time: July 4, 2008, 12:16 am
hahaha, I fixed it (azng)! thank you (Tha) for your visiting!
Write a comment