ថ្ងៃដែលមិនរង់ចាំ!
តើអ្នកធ្លាប់ដែលភាវនាក្នុងចិត្តថា “សូមកុំឲ្យថ្ងៃនោះមកដល់អី” ? តើថ្ងៃនោះហ្នឹងជាថ្ងៃស្អីទៅ? ចន្ទ? អង្គារ…សុក្រ សៅរ៍ អាទិត្យ? មិនមែនអញ្ចឹងទេ, តែវាជាថ្ងៃមួយដែល ត្រូវមកកែប្រែ ឬជារបត់ថ្មីមួយក្នុងជីវិតតែម្តង ។ នៅពេលវាមកដល់ វានឹងនាំមកជាមួយនូវភាពក្រៀមក្រំ រន្ធត់ ហ្នឹងមានការប៉ះទង្គិចទៅមជ្ឈដ្ឋានជុំវិញជាច្រើន មិនដឹងថាអ្នកណាទទួលរងអ្វីខ្លះទេ តែត្រឹមថាអ្នកដែលទទួលរងឥទ្ធិពលវាច្រើនជាងគេ គឺ - - - - - ។
ពិតមែនតែមិនដឹងច្បាស់ថា វានឹងមកដល់ពេលណាឲ្យពិតប្រាកដ តែក៏ដឹងច្បាស់ក្នុងចិត្តថាវាកំពុងធ្វើដំណើរមកជិតដល់ហើយ ។ ទោះជាខំតាំងជំហរថានឹងតស៊ូជាមួយវាយ៉ាងណា ក៏ទំនុកចិត្តចំពោះខ្លួនឯងមានតិចខ្លាំងណាស់ ព្រោះមនុស្សមិនអាចឈ្នះលើកម្លាំងអំណាចមួយនេះបានទេ ជាកម្លាំងនៃការកំណត់ទុកជាស្រេចនេះឡើយ រឹងតែប្រឹងជម្នះនឹងវាខ្លាំងប៉ុណ្ណា គឺរឹតតែទទួលរកឥទ្ធិពលតបតមកលើខ្លួនឯងច្រើនប៉ុណ្ណឹងដែរ ។
អ្នកអានប្រហែលជាកំពុងឆ្ងល់ហើយមែនទេ? ហើយប្រហែលជាកំពុងស្វែងរកចម្លើយថា វាជាថ្ងៃស្អីទៅណ៎ ម៉េចក៏និយាយធ្វើមើលតែធ្ងន់ធ្ងរណាស់អញ្ចឹង? ពិបាកពន្យល់ប្រាប់ណាស់លោកអើយ ហាទៅវាស្លាក់ នៅពេលខ្ជាក់វាជាស្លែង រួចស្តោះគឺច្បាស់ត្រូវខ្លួនឯងជាមិនខាន ហេហេហេ វាមិនដល់ថ្នាក់ហ្នឹងពេកទេ គឺស្មុគស្មាញក្នុងចិត្តពេក ប្រហែលការងាររុំខ្លួនច្រើនពេក ចូលលក្ខណៈ stress បន្តិចបន្តួច ក៏ចេះតែសរសេរនេះសរសេរនោះ បន្ធូរអារម្មណ៍!
