កិច្ចប្រជុំនីតិកាលទី១សម្រាប់ឆ្នាំ២០០៨!
កិច្ចប្រជុំនីតិកាលទី១សម្រាប់ឆ្នាំ ២០០៨! រវាងបងប្អូន Blog ត្រូវបានប្រព្រឹត្តឡើងនៅ Lucky Burger ផាកវេយ៍ នាថ្ងៃទី០១ ខែ០១ ឆ្នាំ២០០៨ វេលាម៉ោង៣រសៀល ។ កិច្ចប្រជុំលើកនេះ ត្រូវបានលើកយករបៀបវារៈពីរមកធ្វើការប្រជុំពិភាក្សា ។ របៀបវារៈទី១គឺ សួរនាំសុខទុក្ខ និង កម្មវិធីឆ្លងឆ្នាំដែលទើបកន្លងថ្មីៗអ៊ុន! និងការចែករំលែកបទពិសោធន៍គ្នាទៅវិញទៅមក នូវការប្រើប្រាស់កុំព្យូទ័រ ដែលត្រូវបានចូលរួមដោយ លោកសុភ័ក្ត្រ, លោកបឿន, លោកណារដ្ឋ និង លោកវីរិយា ។ មួយម៉ោងក្រោយមកក៏មានវត្តមានសមាជិកថ្មីចូលរួមបន្ថែមក្នុងអង្គប្រជុំ គឺលោកបណ្ឌិត និងលោកកញ្ញាស្រីមុំ ។
របៀបវារៈទីពីរគឺការណែនាំសមាជិកថ្មីដែលពីមុនមកគាត់ប៉ងចូលរួមច្រើនដងហើយ តែឱកាសមិនហុចឲ្យសោះ ។ បន្ថែមពីការណែនាំខ្លួន មានការនិយាយពីនេះពីនោះបន្ថែម ដែលធ្វើឲ្យមានមនុស្សមួយចំនួន ដែលត្រូវបានគេនិយាយដល់ ឈ្លក់ទឹកមាត់ ។ គាត់ម្នាក់នោះគឺបងធំ(មង្គល)យើងហ្នឹងឯង គ្មានអ្នកណាផ្សេងទេ ។ គួរឲ្យស្តាយដែរគាត់នៅឆ្ងាយមិនអាចចូលរួមបាន [...]
