លាសិនហើយឆ្នាំ២០០៧ លាទាំងអាល័យ លាគ្មានថ្ងៃជួបជាថ្មី !
(ខ្ញុំកំពុងសសេរកំណត់ហេតុសំខាន់ៗដែលកើតមានចំពោះខ្លួនក្នុងឆ្នាំ ២០០៧ ខ្ញុំនឹងដាក់ចែកគ្នាយើងអាន ប្រហែលជាមានចំណុចខ្លះអាចដាក់បង្ហាញជាសាធារណៈបាន ព្រោះជាកន្លែងដែលមានជាប់ទាក់ទងជាមួយ ពិភព Blog យើងនេះ! … «ក្នុងពេលឆាប់នេះ!»)
មួយរយៈពេលខ្លីកន្លងមកនេះ, Vphoto បានឃ្លាតឆ្ងាយពីពិភព Blog ដោយសារមូលហេតុចម្បង២ ។
១- ធ្វើការផ្លាស់ប្តូរពី Blogsome មកកាន់ Wordpress (private hosting).
២- ជាប់រវល់ការងារ(មិនសូវមានពេលរៀបចំ Blog(ផ្ទះ)ថ្មី)
ឃើញថា Blog ថ្មីរបស់ Vphoto នៅមិនទាន់មានរបៀបរាបរយនៅឡើយ, ដូច្នេះមួយរយៈពេលនេះ ប្រសិនបើបានចូលមកកាន់ Vphoto ហើយឃើញថាមានការប្រែប្រួលច្រើន សូមមេត្តាកុំភ្ញាក់ផ្ញើល!
Vphoto នឹងព្យាយាមធ្វើការ Backup post ចាស់ៗដែលមាននៅ blog ចាស់ឲ្យបានទាំងអស់ តែប្រហែលជាត្រូវចំណាយពេលវេលាច្រើនបន្តិច ។
សូមថ្លែងអំណរគុណបងប្អូនមិត្រភក្តិគ្រប់គ្នាដែលនៅបន្ត«ចេញចូលលេង»!
ឆ្លៀតក្នុងឱកាសពិសេសឆ្លងឆ្នាំចាស់ចូលឆ្នាំថ្មីនេះ, Vphoto សូមជូនពរមិត្រៗទាំងអស់គ្នាឲ្យបានប្រកបតែសេចក្តីសុខសេចក្តីចម្រើន និងជួបប្រទះនូវជ័យជម្នះរាល់ភារកិច្ចដែលមាននៅឆ្នាំថ្មីនេះ ។
ជាចុងក្រោយនេះ, Vphoto សូមរំខានមិត្រភក្តិបងប្អូន Blog ទាំងអស់ដែលមានតំណរ (link) Vphoto ចាស់មកកាន់តំណរថ្មីផង, ហើយបើមិនទាន់មានក៏សូមជួយបន្ថែមដែរ (www.ckvirya.net)
ផ្ទះលក់បាយស្រូបហ្នឹង ត្រូវបានឆ្កែគាត់អុកឡុកទាំងព្រឹក ។ តាមស្តាប់ ម្ចាស់វាបានទុកវានៅលើផ្ទះ ហើយគាត់មិនឲ្យវាចុះក្រោមទេ ។
ឆ្កែហ្នឹងបែបអផ្សុកពេកបានជាលូនចេញតាមបង្កាន់ដៃ បម្រុងនឹងលោត តែពេលអឺតចុះមក បែបខ្ពស់ពេកវាមិនហ៊ាន (បើមិនស្ញើបក៏គ្នាស្រៀវដែរ!) បានជាវាមិនព្រមលោត ទោះម្ចាស់ប្រឹងហៅយ៉ាងណាក៏ដោយ វាគិតតែពីរត់ទៅរត់មក ផ្អើលទាំងអ្នកលក់ទាំងអ្នកទិញបាយស្រូបទាំងព្រឹក ។ ពូម្ចាស់ផ្ទះគាត់បានឈោងដៃទៅទាញឲ្យវាចុះ (ក្នុងរូប) តែវានៅតែមិនព្រមចុះ ។
ទីបំផុតសាច់រឿងត្រូវបានបញ្ចប់ដោយ ឆ្កែអផ្សុកមួយក្បាលហ្នឹង វាព្រមដើរត្រឡប់ក្រោយលូនចូលតាមបង្កាន់ដៃវិញដោយសុវត្តិភាព ៕ ៚
កាលពីល្ងាចថ្ងៃសៅរ៍អាទិត្យមុន យើង(បឿន, ភ័ក្ត្រ, រដ្ឋ និង វី)បានទៅមើលការសម្តែងសិល្បៈរបស់ខ្មែរយើងនៅម្តុំត្រឡោកបែក ឬខ្នងទំនប់ទួលគោក ។ ជាការសម្តែងរបស់ក្មេងៗដែលត្រូវបានបង្ហាត់បង្រៀននៅទីនោះផ្ទាល់ ដែលកន្លែងនោះមានឈ្មោះកាត់ហៅថា AAA (Apsara Art Association) ។ ខ្ញុំមិនបានទទួលព័ត៌មានជាផ្លូវការពីកន្លែងនោះនៅឡើយ ព្រោះគម្រោងការទៅទស្សនានេះត្រូវបានផ្តួចផ្តើមគំនិតឡើងដោយបឿន, ហើយគេមិនបានផ្តល់ព័ត៌មានលម្អិតពីការសម្តែងឲ្យពួកខ្ញុំបានដឹង ជាមុនទេ ។ ពេលទៅដល់ទើបដឹងថា នៅទីនោះគេមានធ្វើការប្រមូលផ្តុំក្មេងៗមកបង្ហាត់សិល្បៈ ហើយធ្វើការសម្តែងជារៀងរាល់ថ្ងៃសៅរ៍ វេលាម៉ោង៦:៣០នាទីល្ងាច។ សំបុត្រចូលទស្សនាតម្លៃ ៤០០០៛ សម្រាប់ខ្មែរយើង, ហើយ 5$ សម្រាប់ជនបរទេស ។ ព័ត៌មានលម្អិតអាចធ្វើការទំនាក់ទំនងបានតាមរយៈ Apsara Art Association (AAA) Nº 71, St 598, Sangkat Phnom Penh Thmey, Khan Reussey Keo, Phnom Penh Tel. 016 622 599, 012 575 [...]
kk@111 on new year 2009!
Khmer IT on new year 2009!
duongchan on new year 2009!Khmer iT on new year 2009!
Posoky on new year 2009!
បឿន on new year 2009!
បណ្ឌិត on PS CS4Posoky on new year 2009!
Khmerbotra on new year 2009!
sopheaktr on new year 2009!
sophak on new year 2009!
Mongkol on new year 2009!
សុទ្ធិពង្ស on ចុងស្រល់
កុដុម្ពី on today’s shots…”yummy?”
វីរិយា on PS CS4
